Nú skal røkka ella støkka hjá heilsuhjálparum og KAF

Ymsir lønarsáttmálar eru farnir úr gildi og skulu endurnýggjast.

Í onkrum føri eru samráðingarnar so smátt byrjaðar, og í einum føri stendur so fast, at Semingsstovnurin hevur avtalað ein fund í næstu viku, har partarnir sita, til tað er liðugt.

Sáttmálin millum Heilsuhjálparafelag Føroya og Kommunala Arbeiðsgevarafelagið gekk út 1. oktobur í fjør. Samráðingar hava verið síðan novembur, men tað hevur drigið út av ymsum grundum, og tað hevur gingið illa at finna semju.

Partarnir hava vent sær til Semingsstovnin, og teir sótu saman í  gjár.

Røkka ella støkka

Terji Sigurðsson, semingsmaður, sigur at partarnir hava avtalað av hittast aftur mikudagin í næstu, og tá er ætlanin at sita, til tað er liðugt. Tá skal røkka ella støkka.

Sáttmálin millum Felagið Føroyskir Sjúkrarøktarfrøðingar fór úr gildi 1. januar.

Óluva í Gong, forkvinna í Felagnum Føroyski Sjúkrarøktarfrøðingur, sigur við Kringvarpið, at felagið hevur tosað við Fíggjarmálaráðið, og at lønarsamráðingar verða í næsta mánaði.

Sanna á Løgmansbø, Føroya Pedagogfelag, 16:9

Frítekst tagging: 

Sanna á Løgmansbø

Føroya Pedagogfelag

Bjarni Árting Rubeksen

Høvdu gott prát

Sáttmálin millum Føroya Pedagogfelag og Kommunala Arbeiðsgevarafelag fór úr gildi 1. apríl.

Sanna á Løgmansbø, forkvinna í Pedagogfelagnum, sigur í stuttari viðmerking, at ein óformligur fundur hevur verið við Kommunala Arbeiðsgevarafelagið. Partarnir høvdu eitt gott og lætt prát um økið, sum teir samstarva um.

Fleiri fundir eru ikki avtalaðir enn, men teir verða væntandi í næstum.