Orban verður ongantíð forsætisráðharri aftur

Tingið í Ungarn hevur samtykt at broyta grundlógina soleiðis, at Viktor Orban ongantíð kann gerast forsætisráðharri í landinum aftur.

Undir valstríðnum lovaði táverandi andstøðuleiðarin, Peter Magyar, at tryggja, at mark var fyri, hvussu leingi tað skal bera til at vera forsætisráðharri.

Í gjár atkvøddi ovurstórur meiriluti í tinginum fyri at avmarka valskeiðið hjá einum fólki sum forsætisráðharri til átta ár. 

Broytingin í stjórnarskipanini kravdi, at tveir triðingar av teimum 199 limununum í tinginum atkvøddu fyri, og broytingin varð samtykt við greiðum meiriluta, 135 atkvøddu fyri

Viktor Orban var forsætisráðharri í Ungarn í tveimum umførum í tilsamans 20 ár.

Nýggja lógin er eisini galdandi fyri Magyar, sum tók við sum forsætisráðharri í farna mánaði.