Strandferðslan broytir aftur ferðaætlanina í sambandi við jóansøkuna

Strandferðslan ger aftur tillagingar í ferðaætlanini hjá Smyrli í sambandi við jóansøkuna í Vági leygardagin.

Orsøkin er nógvii flutningurin av bæði kappróðrarfólki, kappróðrarbátum og øðrum gestum, sum skulu á jóansøku, og so heimaftur frá stevnuni. 

Tí verða fráferðirnar hjá Smyrli tillagaðar leygardagin, so at Smyril fer av Havnini klokkan 08:45 leygarmorgunin, og hann siglir á Vág.

Smyril kemur so aftur á Vág eftir kappróðrarfólk, bátum og stevnugestum, og siglir av Vági leygarkvøldið klokkan 21.15.

Strandferðslan boðar harumframt frá, at Teistin ger eykatúr av Krambatanga mánamorgunin klokkan 06.

Meiri kunning sæst at lesa á heimasíðuni hjá Strandferðsluni.