Sannlíkt at finna á føroyska-bretska markinum

Hampuliga góð sannlíkindi eru fyri, at tað liggja fleiri hundrað milliónir tunnur av olju á føroyska-bretska markinum og beint okkaru megin markið og bara bíða eftir, at borurin verður settur í.

Tað var boðskapurin hjá føroysku jarðfrøðingunum á stórari ráðstevnu í Aberdeen.

Møguleikarnir at finna olju í Colsay-sandi, sum er upkallaður eftir óbygdu hetlendsku oynni Colsay, eru góðir. 

Á teimum  fýra leitimiðunum, sum føroysku jarðfrøðingarnir løgdu dent á í framløguni á EAGE-ráðstevnuni, verða sannlíkindini fyri at finna olju mett at vera umleið 20 prosent. 

Óluva R. Eidesgaard, Jarðfeingi, mynd: Bjarni Árting Rubeksen

Frítekst tagging: 

Óluva R. Eidesgaard

Jarfeingi

mynd: Bjarni Árting Rubeksen

Hóast tað kanska ikki ljóðar av nógvum, so er tað gott, tá vit tosa um oljuleiting undir basaltinum á djúpum vatni.

Og verður olja funnin har, so er talan um hampuliga stórar nøgdir.

Trý av miðunum liggja at kalla oman á hvørjum øðrum á sjálvum markinum og eru mett at rúma tilsamans 338 milliónir tunnur av olju, men tað fjórða liggur føroysku megin markið, alt sum tað er, og er mett at rúma 300 milliónir tunnur. 

Hoyr innslag í útvarpstíðindunum