Bólkur 5 fær fleiri fiskidagar í hesum árinum

Bólkur 5 fær fleiri fiskidagar í hesum árinum, nú fiskiskapurin er góður, og skipanin verður eftirmett.

Tað sigur Bárður á Steig Nielsen, landsstýrismaður, í svari til Fróða Magnussen, løgtingsmann.

Við gongdini higartil í ár og við royndunum frá 2025, er ikki óhugsandi, at tøku fiskidagarnir í bólki 5 vera uppi, áðrenn fiskiárið endar.

Ein eftirmeting er í gongd, har millum annað spurningurin um smærri avreiðingar skulu telja við, tá fiskidagar verða gjørdir upp,  sigur landsstýrismaðurin.

Ætlanin er at menna eina skipan, sum tryggjar fiskidagar til teirra, sum liva av útróðri.

Hon skal leggja upp fyri, at bólkur 5 er ein samansettur bólkur, har nógv virksemi er, tá fiskur er at fáa, og stórur munur annars er á, hvussu virknir bátarnir eru. 

Sí eisini: Fiskidagarnir í bólki 5B fækkast