Borgarafundur og freistin longd

Tórshavnar kommuna fekk fimm hoyringarskriv um ætlaðu broytingina í serstøku byggisamtyktini fyri trøðna norðan fyri Kringvarpið og Norðurlandahúsið.

Hoyringarfreistin var 18. juni.

Hoyringarskrivini eru frá grannum, Landsverki og Skógfriðingarnevndini.

Men allar súðir eru ikki syftar.

Býarskipanardeildin hjá kommununi upplýsir, at í næstum, væntandi í næstu viku, verður kunnandi borgarafundur ætlaður grannum og øðrum áhugapørtum.

Og hoyringarfreistin verður longd nakrar vikur.

Uppskotið um at broyta byggisamtyktina umfatar íbúðarbygging í trimum hæddum.

Ætlanin er at byggja 84 íbúðir.

Býlingurin skal eita Ternutún.

Býráðið samtykti broytingina 30. apríl.