Jarðskjálvtar í Venesuela hava kravt í minsta lagi 32 mannalív

Tveir ógvusligir jarðskjálvtar vóru í Venesuela í gjárkvøldið, um ellivu tíðina okkara tíð.

Tann fyrri var máldur til 7,2 á Richter-stiganum. Jarðskjálvtamiðdepilin  var í landsparturin Carabobo, vestan fyri høvuðsstaðin, Caracas. 

39 sekund seinni rakti ein uppaftur harðari jarðskjálvti, sum var máldur til 7,5 stig. 

Tað upplýsir amerikanski jarðfrøðistovnurin, USGS.

Jarðskjálvti í Venesuela

32 deyð og 700 løstað

Í minsta lagi 32 fólk eru deyð, og 700 eru løstað, sigur virkandi forsetin í landinum, Delcy Rodriguez, sambært Reuters. 

Men amerikanski jarðfrøðistovnurin metirr, at talið á deyðum kann vera nógv størri - millum 10.000 og 100.000. 

Nógvir bygningar eru rapaðir.

Jarðskjálvti í Venesuela

Heilsa frá Maduro

Nicolas Maduro, fyrrverandi forseti, sum USA koyri frá í januar, hevur sent eina heilsan úr fongslinum í USA. 

- Eingin má vera einsamallur. Lat hvørt grannalag taka sær av sínum børnum, ommum og abbum og teimum sjúku, skrivar fyrrverandi forsetin. 

Virkandi forsetin hevur lýst undantaksstøðu í landinum, og fleiri lond bjóða sær til at hjálpa Venesuela, millum annað El Salvador, Ekvador, Brasilia og USA.