Fyrrverandi suðurafrikanskur forseti ætlar sær aftur upp í politikk

Í Suðurafrika bendir okkurt á, at fyrrverandi forsetin, 84 ára gamli Jacob Zuma, ætlar at royna at sleppa til valdið aftur.

Hann var annars noyddur frá valdinum í 2018, eftir fleiri ákærur um korrupsjón. Hann samstarvaði tá tætt við indisku Gupta-familjuna, sum mátti rýma úr Suðurafrika undan ákærur um korrupsjón.

Teir skuldu hava havt Zuma sum eitt hent amboð, sum koyrdi og setti ráðharrar eftir teirra ynskjum og boðum.

Jacob Zuma sigst enn hava tætt samband við Gupta-familjuna, og ein suðurafrikanskur ráðharri segði fríggjadagin, at tað var ørkymlandi, at ein fyrrverandi forseti soleiðis vísir longutong til suðurafrikanska fólkið, samstundis sum hann sigur seg ætla at stýra landinum aftur,