Vindmyllurnar í Húsahaga stórt hall í fjør

Vindfelagið í Húsahaga, sum SEV eigur, hevði risahall í fjør.

Felagið hevði 38,8 milliónir krónur í halli,  eftir at støðisognirnar vóru niðurskrivaðar við 28,3 milliónir krónur til 0 í roknskapinum.

Orøkin til niðurskrivingina er, at vindmyllurnar hjá felagnum eru raktar av einum munandi generatorbreki, sum krevur umfatandi umvælingar. 

Felagið kannar í løtuni, um aðrir veitarar kunnu gera viðlíkahaldsarbeiði uppá vindmyllurnar, og um til ber at seta nýggjar myllur upp skjótari, enn verandi myllur kunnu uvælast.

Fæst loyvi ikki til umvælingar ella nýggjar myllur, verður mest sannlíkt neyðugt at taka felagið av og rudda upp í økinum, sigur Vindfelagið.