Føroysk familja í Bogotá: Eru fyrireikaði upp á eftirskjálvtar

Bjargingarlið í Kolumbia kappast við tíðina at finna fólk á lívi eftir harða jarðskjálvtan, sum rakti vestara partin av landinum í gjár.

Jarðskjálvtin varð máldur til 7,4, og meira enn 200 fólk eru funnin deyð, sambært CNN. Kolumbianska stjórnin hevur lýst tjóðarvanlukku, og fleiri lond hava boðið sær at hjálpa.

Jarðskjálvtamiðdepilin var nærindis San José del Palmar, umleið 240 kilometrar vestanfyri høvuðsstaðin, Bogotá. Summi av teimum harðast raktu økjunum eru illa atkomulig, og hjálpin er enn ikki komin fram allastaðni.

Í Bogotá er Rani Andrasson Skaalum staddur saman við konu síni og fýra synum. Tey eru í Kolumbia í samband við arbeiði fyri OM-felagsskapin, og Rani og konan arbeiða á einum skúla í høvuðsstaðnum, sum hevði fyrsta almenna skúladag í gjár. 

Teimum veit væl við, men tey hava ikki upplivað ein jarðskjálvta áður.

Hóast høvuðsstaðurin ikki var illa raktur av jarðskjálvtanum, so fyllir hetta nógv í Kolumbia.

Myndugleikarnir í Kolumbia hava ávarað fólk, at eftirskjálvtar kunnu koma, og tað hevur Skaalum-familjan fyrireikaði seg upp á kann fara at henda.