Eysturlon farin á aðrar hendur

Bygifyritøkan Eysturon er seld. Avtalan var gjørd sunnukvøldið, og starvsfólkini vóru kunnað í gjár.

Tað skrivar in.fo

Nýggir eigarar eru vinnulívsmenninir, Fróði Sigvardsen og Árni Rasmussen.

Í felag hava teir báðir stovnað íløgufelagið SR Invest, sum hevur keypt Eysturlon.

Reka fyritøkuna víðari

- Ætlanin er at reka Eysturlon víðari, sum fyritøkan verður rikin í dag. Vit ætla ikki at gera stórvegis broytingar. Eysturlon er kent fyri dygd, og bæði starvsfólkini og tað, sum fyritøkan stendur fyri, skulu varðveitast, sigur Fróði Sigvardsen við in.fo.

Stovnarin og stjórin í Eysturlon, Jógvan Hans Østerø, heldur fram í felagnum eina tíð, men fer síðani frá.

Umleið 40 fólk arbeiða hjá Eysturlon.

Sambært greinini á in.fo vilja partarnir ikki at upplýsa prísin fyri fyritøkuna.