Fer kanska at skriva út val

Spanski forsætisráðharrin, Pedro Sánchez, fer at halda røðu fyri tjóðini nú klokkan 8 í morgun. 

Leysasøgur eru í sponsku miðlunum um, at hann fer at skriva út val.

Tíggjutúsundtals spaniólar hava seinastu vikurnar mótmælt bústaðarneyðini í landinum, og í síðstu viku eydnaðist tað ikki minnilutastjórnini hjá Sanchez at samtykkja eitt stórt bústaðar-nýskipanarlógaruppskot í tjóðartinginum.

Stóra blaðið El País skrivar, at "alt nú er komið uppá pláss" fyri at Sanchez skal útskriva val, og tað gita eisini aðrir spanskir miðlar.

Ikki er neyðugt hjá Sanchez at útskriva val fyrr enn í august næsta ár, tá valskeiðið er úti.