Nøgdir men kortini ikki

Håkan Ericson er nøgdur við at fáa eitt stig á útivølli ímóti Moldova.

Peikifingurin hevur heilt víst eisini verið á lofti, tá landsliðsvenjarin og spælararnir hava eftirmett 1-1 javnleikin í Chișinău.

 - Vit verja ov langt afturi og alsamt longri afturi á vøllinum í seinna hálvleiki, og samsvaraði ikki við ætlanina, sum vit løgdu í hálvleikinum, sigur Håkan Ericson.

 - Vit eru eisini ov seinir at leggja teir undir trýst og fara í verulig kontraálop. Vit eru ikki nóg djarvir, og steðga á og hvíla við bóltinum alt ov ofta, sigur landsliðsvenjarin, nú seinasta hond verður løgd á fyrireikingarnar til venjingardystin ímóti Norðurmakedóniam sum verður mánadagin klokkan 17.

Føroyar løgdu seg á odda, tá Jákup Biskopstø Andreasen fann Meinhard Olsen, sum slapp at venda sær og renna ímóti moldovisku verjuni. Hann fann Mads Boe Mikkelsen, sum skeyt sítt fyrsta landsliðsmál. Eftir at hava trýst allan seinna hálvleiki á tamp, eydnaðist Moldova at javna, tá Heini Vatnsdal gjørdi brotsspark seint í dystinum.