Elias á Skipagøtu: Vit spældu ein forferdiligan fyrra hálveik

Fyrri hálvleikur kostaði Føroyum plássið í HM-hálvfinaluni.

Tað ásannaði føroyski spælskiparin, Elias á Skipagøtu, eftir 30-27 tapið fyri Serbia í dag.

 - Vit høvdu hopað upp á meir. Vit spæla ein forferdiligan fyrra hálvleik, sum ger, at vit hanga afturúr. Vit royna at koma aftur í seinna hálvleiki, gera tað fínt, men vit klára tað akkurát ikki, segði Elias á Skipagøtu.

 - Mann skal blíva við at gera sítt besta og kempa við øllum, sum mann hevur, og tað helt eg, at vit gjørdu í dag, men tíverri brenna vit alt ov illa.


Fara eftir fimta plássinum

Føroyar skulu nú spæla dystir um plássini millum átta og fimm, og Elias á Skipagøtu sigur, at hann og liðfelagarnir fara at gera sítt ítasta.

 - Nú hava vit ein dag, har vit skulu taka okkum saman og lata vera við at taka synd í okkum sjálvum, tí vit hava pláss at spæla um, og vit fara eftir at vinna teir báðar dystirnar.