Sólstrálan 2023: Smíl og klemm í Neistanum

Ungu Neistagenturnar ivast ikki. Teimum dáma betri Gyðu Djónadóttir og Jóhannu Østerø enn eldru venjararnar.

 - Tað er nógv skekari, tí hinir eru nógv strangari, sigur Liva Danberg, sum spælir

 - Teir siga: 'Nú skulu tit dribbla' og 'nú skulu tit lurta eftir', og Gyða og Jóhanna siga 'flott klárað' og sovorði.

Sólstrálur

Ein av hesum 'strangu' eldru venjarunum er júst mamma Livu, Marjun Falkvard Danberg. Hon fegnast um, at børnini hava Gyðu Djónadóttir og Jóhannu Østerø sum fyrimyndir.

 - Tær duga øgilgia væl at fevna tær, taka tær við og gera ting, sum vit ikki altíð síggja, sigur Marjun Falkvard Danberg.

Gyða og Johanna siga seg sjálvar hava havt eldri fyrimyndir í felagnum, og tí vilja tær fegnar geva okkurt aftur.

 - Tá vit koma til venjing, fáa vit altíð eitt smíl ella eitt klemm, og altíð hava tær okkurt at fortelja.

Skipa fyri hugna

Gyða Djónadóttir og Jóhanna Østerø spæla sjálvar við gentum 14 og hjálpa mangan til við dómaraborðið, tá dystir eru í høllini. 

Afturat hesum skipa tær fyri hugnakvøldum fyri gentunum.

 - Tá gera tær ofta spurningar, og tá tað er jól, gera tær pakkaspæl, sigur Lea Káradóttir Horn.

 - Onkuntíð fara vit í Neistarúmið. Tá hava vit fingið pitsa og mammurnar hava bakað kaku, sigur Mia Rógvadóttir Holm.

Í uppskotið til nýggjan heiður

Gyða Djónadóttir og Jóhanna Østerø eru í uppskoti til at verða Ítróttasólstrálan 2023, sum ÍSF letur á Ítróttafagnaðinum um vikuskiftið.

Hetta er nýggjur heiður til ung ítróttafólk undir 20 ár.