Stórur skaði á Sundi: Oljutangin møguliga gerast av nýggjum

Nýggi oljutangin hjá SEV á Sundi er somikið illa farin, at alt arbeiðið møguliga skal gerast av nýggjum. Tað sigur Frimodt Rasmussen, stjóri fyri Klaksvíkar sleipistøð, sum byggir oljutangan fyri SEV. 

Hetta er ein kritisk støða, sigur hann. Seinni í vikuni koma serfrøðingar at meta um skaðan, fortelur Frimodt Rasmussen. Síðani verður greitt, um oljutangin skal umvælast ella byggjast av nýggjum. 

Um hann skal byggjast av nýggjum, so verður tað ikki fyrr enn næsta ár, sigur stjórin í KSS. 

Tangin skuldi eftir ætlan latast SEV í november í ár. Hann tekur 8.000 rúmmetrar av olju, er umleið 22 metrar í diametur og 22 metrar høgur.

Endamálið við slíkum oljutanga er m.a. at skapa veitingartrygd, sigur Hákun Djurhuus, stjóri í SEV.