Eingin trygging til gamlar oljutangar

Um ein skaði stendst frá einum ólógligum oljutanga tekur tryggingin ikki við og tílíkir skaðar kosta ofta yvir eina hálva millión krónur. Tað sigur forstjórin í Betri Trygging, Ingunn Eirikisdóttir. 

Tað eru fólk sjálvi, sum hava  ábyrgd av og mugu eftirkanna, at teirra tangi er lógligur, sigur Kristina Samuelsen, advokatur. Hon vísur eisini á, at tað ber til at søkja um, at fáa longda freist at skifta oljutangan.

Sambært Umhvørvismálaráðnum eru ongar ætlanir um at broyta kunngerðina, sum sigur at oljutangar í húsum, eldri enn 1981, sum ikki eru góðkendir, skulu takast úr nýtslu á nýggjárinum. Málið er ikki viðgjørt, og eingin kommuna hevur heldur biðið um tað, sigur Hilmar Høgenni, deildarstjóri.

Her er leinkjan til Oljukunngerðina frá 2018: 

Kunngerð um at fyribyrgja dálking frá oljutangum