Elon Musk veitir føroyingum internet

Felagið hjá Elon Musk - Starlink - hevur fingið loyvi frá Fjarskiftiseftirslitinum at veita føroyingum internet. 

Hetta verður gjørt við antennum, sum samskifta við fylgisveinar, sum ferðast runt í øllum heiminum.

Nógv bendir á, at tíðin er um at renna undan parabolunum, sum vit kenna tær.

"Starlink satelittarnir eru - tað eru kanska eini 6000 aktivir beint nú - teir flúgva niður í 4-500 kilometrum, sum ger tað, at svartíðirnar eru ógvuliga góðar. Faktiskt so góðar sum vit síggja á 4G og 5G her, so tað kann lættliga kappast við tað."

Tað sigur Jan Hammer Egholm, stjóri í Vikmar, sum selur Starlink-antennur til vinnubrúk.

Tað var í  2022, at Starlink fyri fyrstu ferð setti seg í samband við fjarskiftiseftirlitið í Føroyum. Í apríl í ár sendu teir umsóknina, og stitt eftir bleiv loyvi givið.