Føroyar hýsa oyggjaleikum 2027, men tað krevur ábøtur

Vit hava sum heild nøktandi karmar at hýsa oyggjaleikunum, men størstu avbjóðingarnar eru við Tórsbreyt, ið krevur ábøtur fyri at liva upp til neyðugu kappingarkrøvini, sigur Heri Ziska, venjari í frælsum ítrótti.

Tað eru nevniliga kappingargreinirnar innan frælsan ítrótt ið skulu vera á Tórsbreyt, og millum annað skal vøllurin bøtast um, sigur Elin Heðinsdóttir Joensen, forseti í Ítróttarsambandi Føroya.

Hon greiðir frá, at har tykist at vera vælvilji frá Tórshavnar kommunu, og at tað bert er ein spurningur um tíð, nær endurbøtingarnar fara í gongd, tí loysnir mugu finnast og breytin skal framtíðartryggjast.

Tórsbreyt varð tikin í nýtslu í 2008, og verður sostatt 19 ár tá oyggjaleikir fara í gongd í 2027.