- Tíðindi, mentan og ítróttur
Í ringum standi og skal høvuðsumvælast
Í ringum standi og skal høvuðsumvælast
Lekar, soppur og vánaligt inniumhvørvi. Trupuleikarnir hava verið kendir í áravís, men onki hevur verið gjørt at loysa trupuleikan til fulnar.
Nú er ætlanin at høvuðsumvæla.
26.08.2025 - 19:25
Bygningurin í Steinatúni, har stórur partur av umsitingini hjá Tórshavnar Kommunu húsast, er í vánaligum standi. Tað lekur, og soppur er staðfestur í bygninginum. Nøkur eru, sum ikki tola at vera í bygninginum.
Tórshavnar Kommuna hevur í dag havt kunningarfund um støðuna fyri teimum starvsfólkum, sum húsast í bygninginum í Steinatúni.
Bygningurin er gamal, og trupuleikin hevur verið kendur í fleiri ár. Tað stendur við og versnar, sigur Johan Syderbø, deildarileiðari á Bygningsdeildini hjá Tórshavnar Kommunu.
Ætlanin er nú at ein høvuðsumvæling skal gerast.
Nýggjastu sendingar í ÚV
Nýggjastu sendingar í SV


























