Grind er djór sum øll onnur djór

Kjakið er heitt og sjónarmiðini ymisk. Men grindadráp eigur at vera fevnt av lógini um djóravælferð.

Tað er tað eingin ivi um, um mann spyr Inga Sørensen. 

Hann setur seg upp ímóti hinum røddunum, sum seinastu vikurnar hava úttalað seg um evnið.

Meldaða grindin í Hvannasundi

Tað var á sumri í fjør, at grind bleiv hildin í Hvannasundi, sum seinni bleiv meldað til myndugleikarnar sum djórapínsla. 

Grindamenn og sýslumenn nokta at nakað óregluligt fór fram í drápinum. 

Og hetta hevur seinastu vikurnar byrt undir eitt kjak, um grindadráp eigur at vera fevnt av lógini um djóravælferð ella ikki.