Val í Hong Kong í dag

Økisval er í Hong Kong í dag.

Hóast valið ikki er til tjóðartingið, hevur valið í dag stóran týdning, tí tað verður sæð sum ein roynd av undirtøkuni hjá umstrídda leiðaranum, Carrie Lam.

Ófriður hevur verið í Hong Kong síðstu fimm mánaðirnar og ivamál verið, um valið í dag í heila tikið fór at vera.

Carrie Lam hevur boðað frá, at tað kundi koma upp á tal at avlýsa valið í dag um ófriður fór vera, men higartil tykist alt at hava gingið friðarliga fyri seg.

Vallutøkan hevur eisini verið met-høg. 

Bæði umboð fyri einum tættari samstarvi við Kina, og tey, ið siga seg ynskja eitt fríðari Hong Kong, hava eggjað fólki til at fara friðarliga á val, og tí er stórur spenningur um hvussu úrslitið verður.

1090 valevni eru uppstillaði til 452 sessir, býtt á 18 økisráð.

Valúrslitið væntast at vera greitt seinni í dag.