Mótmæla enn í Hong Kong

Í gjár marsjeraðu mótmælisfólk ígjøgnum jólaskríddar sølumiðstøðir, og heittu á politisku leiðsluna um at leggja frá sær.

Tað skrivar Reuters tíðindastovan.

Løgreglan kom á staðið og byrjaði at skjóta við táragassi í eini roynd at spjaða mótmælisfólkini. Úrslitið var tó, at nakrar av sølumiðstøðunum máttu steingja orsaka av táragassinum.

Mótmælisfólkini krevja demokrati, og at leiðarin, Carrie Lam leggur frá sær.