Seks línuskip sleppa á Flemish Cap ár

Seks frystilínuskip hava fingið loyvi til at royna á Flemish Cap í ár. Tey eru Jákup B, Ågot, Eivind, Kambur, Stapin og Jógvan I.

Sjeynda frystilínuskipið, Klakkur, er á veg til Føroya úr Noregi, men hevur einki fiskiloyvi fingið enn. Fiskiskapurin á Flemish Cap kann byrja 14.januar.

Toskakvotan er nógv minni í ár enn hon var í fjør. Í ár er kvotan 1.907 tons. Talan er um felagskvotu.

Í fjør var kvotan 3.911 tons. 2.635 tons vóru felagskvota og 1.276 tons vórðu seld á uppboði. Skipini plaga at hava sera gott fiskarí á Flemish Cap.