Nýtt ráð fyri gransking, menning og nýskapan

Eitt nýtt alment ráð skal stovnast.

Í lógaruppskotinum um ráðgeving og stuðul til gransking, menning og nýskapan, sum Jenis av Rana, landsstýrismaður, hevur latið løgtinginum, er eitt ráð fyri gransking, menning og nýskapan. 

Endamálið við tí er at styrkja strategisku ráðgevingina til landsstýrið og vinnuna á økinum gransking, menning og nýskapan. 

Ráðið skal eisini seta mál, eitt nú fyri føroyskum luti í altjóða samstarvi á økinum.

Trý ymisk øki

Higartil hava gransking, menning og nýskapan verið trý ymisk øki, sum eru viðgjørd í ymiskum skipanum. 

Men nú eru hesi øki nógv tættari knýtt og tvørgangandi.

Tí hava stuðulsskipanir í millum annað Norðurlondum og í Evropa lagt seg eftir at samskipa hesi øki, sigur landsstýrið.

Hetta skal eisini gerast í Føroyum, so tey, sum søkja um stuðul, kunnu fáa greiða vegleiðing um møguleikarnar.