Trump tekur seg inn á Biden

Trump tekur seg inn á Biden
Sambært eini kanning, sum umfatar alt landið, fær Joe Biden 49 prosent av atkvøðunum og Donald Trump 47 prosent
 
30.03.2020 - 11:36


Donald Trump tekur seg inn á Joe Biden sambært veljarakanning, sum Washington Post og ABC News kunngjørdu í gjár.

Sambært veljarakanningini, fær Joe Biden 49 prosent av atkvøðunum, meðan núverandi forsetin, Donald Trump, fær 47 prosent. Í februar vísti ein líknandi kanning, at Trump var sjey prosentstig aftan fyri Biden, skrivar The Guardian.

Tey, sum svaraðu kanningini, taka Trump framum, tá talan er um búskapin, meðan Biden er frammanfyri, tá ræður um heilsuøkið.

Washington Post skrivar, at kanningin umfatar alt landið, og tekur ikki atlit at valmannaráðnum.

Í 2016 vann Donald Trump meirilutan í valmannaráðnum, hóast hann fekk umleið tríggjar milliónir færri atkvøður enn Hillary Clinton kring landið. 

Javnt í fleiri statum

Í teimum statunum, sum verða mettir at verða avgerandi, og kunnu fara báðar vegir, er sera javnt. Millum hesar teljast Wisconsin, Florida, Michigan og Pennsylvania. 

Joe Biden hevur ikki tryggjað sær sessin sum forsetavalevnið hjá demokratunum enn, men hann er væl framman fyri Bernie Sanders, nú fleiri undanval eru seinkað av koronatiltøkunum.

Sambært veljarakanningini hjá Washington Post og ABC fær Joe Biden 55 prosent og Bernie Sanders 39 prosent hjá demokratunum, skrivar The Guardian.

Amerikanska forsetavalið verður í november.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592