- Tíðindi, mentan og ítróttur
Meira enn 15 milliónir smittað
Meira enn 15 milliónir smittað
Talið av COVID-19 smittaðum í øllum heiminum er nú farið upp um 15 milliónir fólk. Flestu tilburðirnir eru í USA
Mynd: Savnsmynd (AP)
23.07.2020 - 08:11
Fleiri enn 15,2 milliónir fólk kring heimin hava nú fingið koronusmittuna, og 623.443 fólk eru deyð við koronusmittuni í sær.
Tað vísa nýggjastu tølini frá Johns Hopkins University, ið savnar saman almenn hagtøl frá heilsumyndugleikunum í øllum heimsins londum.
Fýra milliónir tilburðir í USA
USA, Brasilia, India og Russland eru londini við flestum koronutilburðum. Í Brasil staðfestu heilsumyndugleikarnir, at dagurin í gjár var hin ringasti við koronu.
Síðsta samdøgrið eru stívliga 68.000 fólk í Brasil testað positiv fyri koronu, og tað er tað mesta nakrantíð.
Í USA eru nú 3.970.908 tilburðir av COVID-19 staðfestir, og 143.190 fólk eru deyð við smittuni í sær, vísa nýggjastu tølini frá Johns Hopkins University.
Nýggjastu sendingar í ÚV
Nýggjastu sendingar í SV