– Samfelagið eigur ikki at verða latið meira upp

– Danmark eigur at steðga á og ikki halda fram við at lata samfelagið meira upp.

Tað sigur Kåre Mølbak, leiðari fyri smittutilbúgvingina á Statens Serum Institut, við danska blaðið, Ingeniøren, á heimasíðuni, ing.dk

Savningarmarkið umrøðast

Stjórnin í Danmark fer í næstum at samráðast um, hvussu fjórða og síðsta stig av upplatingini í Danmark skal síggja út.

Millum tey viðurskiftini, sum danska stjórnin skal gera semju um, er náttarlívið og at hækka markið fyri, hvussu nógv fólk kunnu savnast.

– Men smittutølini síðstu vikuna gera, at Danmark eigur ikki at lata meira upp, sigur Kåre Mølbak í samrøðu við danska blaðið.