Mál um sivila handtøku skal byrja av nýggjum

Málið um harðskap í sambandi við eina sivila handtøku í Sandavági skal byrja av nýggjum í Føroya rætti.

Orsøkin er sjúka.

Ein maður og ein kvinna eru ákærd fyri harðskap.

Tað var eftir eina hending í Sandavági eina náttina í januar, tá fýra ungir menn skutu tvær rakettir móti einum húsum so eldur kom í eina plantu við úthurðina.

Málið byrjaði í rættinum 20.oktober.

Tað varð síðani útsett til 4.november, tí eitt vitni skuldi kallast inn av nýggjum.

Men sjúka ger, at nú skal alt málið byrja umaftur.