- Tíðindi, mentan og ítróttur
Eykajáttan at rinda TG Verki fyri Glasir
Eykajáttan at rinda TG Verki fyri Glasir
Sambært úrskurðinum í gerðarrættinum skal Landsverk rinda TG Verki 4,2 milliónir kr., umframt umleið tvær milliónir krónur í rentu
Mynd: Bjarni Árting Rubeksen
22.11.2020 - 10:17
Fíggjarmálaráðið hevur biðið fíggjarnevndina um at hækka løgujáttanina til Skúladepilin í Marknagili, í kjalarvørrinum av gerðarrættarúrskurðinum í málinum millum TG Verk og Landsverk.
Sambært úrskurðinum skal Landsverk rinda TG Verki 4,2 milliónir kr., umframt umleið tvær milliónir krónur í rentu.
Jørgen Niclasen, landsstýrismaður, sigur í umbønini til fíggjarnevndina, at tøka løgujáttanin til Glasir røkkur ikki til at gjalda TG Verki upphæddina, og tí verður biðið um at hækka eykajáttanina tilsamans 6,2 milliónir kr.
Sakarmálskostnaðurin hjá Landsverki í sambandi við gerðarættarmálið skal rindast av rakstrarjáttanini til Landsverk, sigur Fíggjarmálaráðið.
Er kopiera
Nýggjastu sendingar í ÚV
Nýggjastu sendingar í SV
