Ikki loyvt at brúka plastposa í Týsklandi í 2022

Týska samveldistingið hevur nú samtykt at banna plastposar. Bannið fevnir um sølu og útbreiðslu av einnýtisposum úr plasti í týskum handlum, og tað kemur í gildi 1. januar 2022.

Týski umhvørvismálaráðharrin, Svenja Schulze, sigur, at plastposin er tekin um oyðsl við náttúrutilfeinginum. Hon mælir fólki til at brúka toy-posar. 

Bannið fevnir tó ikki um lítlu tunnu plastposarnar, sum ofta síggjast í grønmetis- og blómudeildini í handlum.

Ger ongan mun

Andstøðan í týska samveldistinginum heldur lítið um bannið. Tinglimir fyri Grøna flokkin og flokkurin á vinstravonginum, Die Linke, siga, at hetta er óbrúkiligur fjøður í hattin hjá stjórnin

Bettina Hoffmann, talskvinna í Grøna flokkinum í burðardygd og umhvørvismálum, sigur, at hetta bert er ein dropi í havinum.

Tinglimir í FDP og AfD-flokkinum á høgravonginum atkvøddu eisini ímóti banninum og søgdu, at tað er órættvíst tiltak móti marknaðinum, tí bannið ger ongan mun fyri umhvørvið.