Eingin korona í løgtinginum

Kanningin í løgtinginum, tá Thetis kannaði øll, sum dagliga eru í tinginum, fyri koronu, vísti, at øll tey kannaðu vóru negativ, hevur Jógvan á Lakjuni, løgtingsformaður, fingið at vita.

Tingfólk, landsstýrisfólk og starvsfólk hjá løgtinginum vórðu kannað. Ætlanin er, at løgtingið fer í jólafrí fríggjadagin í næstu viku. Tingfundir eru í dag og í morgin, og síðani hvønn gerandisdag í næstu viku.

Fíggjarlógin fyri 2021 skal avgreiðast fyri nýggjár. Formaðurin í Fíggjarnevndini miðar eftir, at álitið hjá nevndini kemur mánadagin.