Fjórða valið í Ísrael í tvey ár

Í seinasta lagi 23. mars næsta ár verður aftur tjóðartingsval í Ísrael. Tað er fjórða valið seinastu tvey árini skrivar Jerusalem Post.

Hetta er greitt, eftir at Benjamin Netanyahu, forsætisráðharri, og samstarvsfelagin, Benny Gantz, ikki kundu semjast um fíggjarlógina.

Andstøðan kravdi fyrr í mánaðinum nýval, og fekk stuðul frá einum av stjórnarflokkunum, Blátt og hvítt, sum Benny Gantz stendur á odda fyri.

Stjórnin fekk freist til á midnátt í gjárkvøldið at semjast um fíggjarlógina, men tað eydnaðist ikki.

Mánadagin segði Knesset nei at leingja freistina. Tí verður nýval.