New York City sigur avtalur upp við forsetan

Heimbýurin hjá Donald Trump, forseta, New York City, sigur allar avtalur upp við forsetan.

Tað skrivar blaðið, LA Times.

Hetta er aftursvar til leiklutin hjá Trump, tá viðhaldsfólk hjá forsetanum mikudagin í síðstu viku tóku seg inn í Kongressina.

Trump rekur tvær skoytibreytir, eina ringreið - karrusel - í Central Park og eina golfvøll í New York.

Borgarstjórin í býnum, Bill de Blasio, boðar í tíðindaskrivi í dag frá, at Trump-fyritøkan forvinnur umleið 17 milliónir dollarar um árið við avtalunum. Tað svarar til góðar 103 milliónir krónur.