Krevja íslendskt mál í Disney-filmum

Krevja íslendskt mál í Disney-filmum
Íslendski mentamálaráðharrin hevur skrivað stjóranum í Walt Disney bræv
Íslendski mentamálaráðharrin vil hava íslendska talu og tekst á Disney-stroymingartænastuna
 
08.02.2021 - 10:00

Íslendski mentamálaráðharrin, Lilja Døgg Alfreðsdóttir, hevur sent stjóranum í Walt Disney, Bob Chapek, bræv, har hon heitir á hann um at endurskoða avgerðina um, at íslendsk tala ikki er eitt tilboð á stroymingartænastuni fyri filmar.

Í brævinum vísir Lilja Døgg Alfreðsdóttir á, at íslendska málið er kjarnin í íslendsku mentanini og samleikanum, skrivar Morgunblaðið.

- Tað kann ikki góðtakast, at ein risastór fyritøka sum Walt Disney, ikki bjóðar íslendska talu og undirtekst í stroymingartænastuni, skrivar Lilja Døgg á facebook-vanga sínum.

Íslendski sjónleikarin, Jóhannes Haukur Jóhannesson, gjørdi um vikuskiftið vart við hetta í einum boðum á Twitter.

Hava tilfar í varðveitslu

Hann vísti á, at íslendskir sjónleikarar í fleiri áratíggju hava lisið inn íslendska talu til tilfar hjá Disney, og at Disney hevur bæði ljóðtilfarið og umsetta undirtekstin í varðveitslu. 

Tí skuldi tað verið ómakaleyst hjá felagnum at gjørt tilfarið tøkt.

- Okkara tungumál er kjarnin í mentanini og samleikanum hjá okkum, skrivar Lilja Døgg í brævinum til Bob Chapek. 

- Vit arbeiða hart fyri, at serliga børn og ung kunnu varðveita málið, sum í gerandisdegnum er undir stórum trýsti frá øðrum málum, í mestan mun enskum. Vit meta, at holl vitan um móðurmálið hevur avgerandi týdning fyri persónligu menningina hjá børnum og fyri útbúgving og førleikan at málbera seg og koma við hugskotum. Tí góður førleiki í íslendskum máli hevur avgerandi týdning fyri íslendska ungdómin og framtíð hansra, skrivar Lilja Døgg Alfreðsdóttir, ráðharri í mentamálum, í brævi til stjóran.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592