Vil hava ríkisrættarmálið sjónvarpað

Fyrrverandi danski útlendinga- og integratiónsmálaráðharrin, Inger Støjberg, vil hava, at ríkisrættarmálið ímóti sær verður sjónvarpað. Tí hevur hon lagt eitt lógaruppskot fyri fólkatingið, ið skal heimila, at rættarmálið verður sjónvarpað.

Men tað fellur ikki í góða jørð hjá felagnum fyri danskar dómarar.

- Talan er ikki um eina framførslu, men eitt rættarmál", sigur Mikael Sjögren, sum er formaður í felagnum fyri danskar dómarar. 

Hann sigur tó, at tað ber til at senda partar av málinum í sjónvarpi, men hetta er bert er nakað, ið kann gerast í hendingaføri. Orsøkin er, at vitnini skulu vera vard.

- Tað eru fleiri embætisfólk, ið skulu vitna í málinum, og eg haldi ikki, at tað tænir okkum, at frágreiðingarnar hjá teimum skulu og klippast aftaná. Hetta er ikki ein framførsla, men eitt rættarmál, sigur Mikael Sjøgren.