Stjórin í Danske Bank gevst

Stjórin í Danske Bank gevst
Forstjórin í bankanum er undir illgruna fyri at hava brotið lógina í Niðurlondum
Chris Vogelzang er farin frá sum stjóri í Danske Bank, boðar bankin frá
Mynd: Danske Bank  
 
19.04.2021 - 07:54

Forstjórin í størsta bankanum í Danmark, Danske Bank, Chris Vogelzang, er farin frá sum stjóri í bankanum. Hann fer frá, tí at hann er undir illgruna fyri møguliga at hava brotið hollendskar lógir, boðar bankin frá í eini fráboðan til keypsskálan. 

Chris Vogelzang er ein av fleiri, ið eru undir illgruna hjá hollendsku myndugleikunum. Tey eru mistonkt fyri møguliga at hava brotið lógina í sambandi við fyribyrging av hvítvasking í bankanum, Abn Amro. Chris Vogelzang var ein partur av ovastu leiðsluni í Abn Amro frá 2009 til 2017.

Málið um hvítvasking í Estlandi ávirkar eisini, nú Chris Vogelzang fer frá. Frá 2007 til 2015 var estlendska deildin hjá Danske Bank nýtt at hvítvaska nógvar pengar. Nú fyrrverandi forstjórin vísir á, at hann ikki vil standa í vegin fyri menningini av bankanum og fer tí frá.

Danske Bank hevur sett Carsten Egeriis sum nýggjan forstjóra. 

Gerrit Zalm, nevndarlimur í Danske Bank, fer eisini úr nevndini hjá bankanum. Hann hevur áður verið fíggjarmálaráðharri í Hollandi, men hevur eisini eina fortíð í Abn Amro.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592