Ísland lænir AstraZeneca frá Noregi

bannari
Ísland lænir AstraZeneca frá Noregi
Íslendska heilsumálaráðið hevur gjørt avtalu við Noreg um at læna 16.000 skamtar av AstraZeneca-koppingarevninum
 
22.04.2021 - 07:47

Sambært íslendsku stjórnini koma skamtarnir væntandi til Íslands um vikuskiftið, og verða býttir út í næstu viku. Bara fólk, sum eru eldri enn 60 ár kunnu fáa koppsetingina.

Norska heilsustýrið gavst í mars fyribils at brúka AstraZeneca eftir fráboðanir um sjáldsamar blóðtøppar. Norska heilsustýrið hevur mælt til, at AstraZeneca-koppingarevnið ikki skal nýtast í Noregi, og tað verður ikki brúkt nú.

Íslendska heilsumálaráðið sigur á heimasíðu síni, at avtalan við Noreg fer at styrkja koppsetingarætlanina í Íslandi. Eisini týski landspartinum, Slesvig-Holstein, vil hava AstraZeneca-koppingarevni.

Læna 55.000 skamtar frá Danmark

Daniel Günther, forsætisráðharri í Slesvig-Holstein, hevur gjørt avtalu við Danmark um at læna 55.000 skamtar av AstraZeneca-koppingarevninum. Avtalan er treytað av, at Týskland sendir sama tal av skamtum aftur til Danmarkar eftir ávísum tíðarleisti.

Í flestu evropeiskum londum verða tilmælini frá Evropeiska Heilivágstovninum, EMA, fylgd. EMA metur, at tað er fyrimunur fyri heilsuna, at halda fram við AstraZeneca, hóast vandi er fyri sjáldsomum blóðtøppi.

Eins og í Íslandi fáa fólk í Týsklandi, sum eru eldri enn 60, ár tilboð um at verða koppsett við AstraZeneca. Millum tey, sum hava tikið av tilboðnum, er 66 ára gamla Angela Merkel, samveldiskanslari.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592