Gjaldsportrið í Saksun er neyvan lógligt

Gjaldsportrið í Saksun er ikki í samsvari við vanliga fatan um rættin til at fara í fjøruna ella á strondina.

Og gjaldsportrið er neyvan lógligt, tí tað forðar fyri atgongd til øki, har ein og hvør hevur rætt til at ferðast.

Tað er niðurstøðan í svarinum hjá Helga Abrahamsen, landsstýrismanni, sum fekk spurningar frá Akseli V. Johannesen, løgtingsmanni, um gjaldsportrið, sum kom í Saksun í 2019.

Sambært dómi hjá Føroya rætti, sum Eystari landsrættur hevur staðfest, er fjøran almannaogn.

Ognarrætturin hjá hagaeigarum umfatar ikki fjøruna.