Føroyaleikir: Av talvuni út á leikvøllin

Nú nærkast fyrstu Føroyaleikirnir av álvara. 

Seinni í vikuni fara góð 1100 ítróttarfólk á leikvøllir í Havn, Runavík, Klaksvík og Vági at kappast um heiður og æru.

Í ÍSF-húsinum eru fyrireikingarnar í hæddini í løtuni, men Andras Nolsøe, ítróttarráðgevi hjá ÍSF heldur, at tað mesta er komið undir land.

 - Nú ræður um at fáa síðsti tingini upp á pláss, so sum blusur, drekkidunkar, heiðursmerki og tílíkt, sum sambondini hava tørv á fyri at skipa sínar kappingar, sigur Andras Nolsøe.

 - Vit hava arbeitt við hesum síðan fyrst í oktober, og meira konsentrera síðan í januar, so nú tað nærkast er mann ordiliga spentur at síggja, hvussu tað fer at rigga, sigur ítróttarráðgevin.

foroyaleikir_mynd_2.jpg