Bann setast fyri búrhønum í ES

Hugtakið ein "búrhøna" verður skjótt ein saga blot í Evropa. 

ES-nevndin fyrireikar lógaruppskot, sum setur bann fyri at hava djór í búri í sambandi við matvøruframleiðslu. 

Lógaruppskotið verður væntandi klárt í 2023, síðani skal ES góðkenna tað, og síðani er ætlanin at seta tað í gildi um seks ár, t.v.s. í 2027.

Rakar eggframeiðsluna

Hetta fer eitt nú at raka tey, sum hava eggframleiðslu, kálvar, kaninir, gæs og grísahald, kanska serliga sýr, men ikki felddýr.

Í Svøríki eru eitt nú helvtin av hønum á eggvirkjum í búri, og 60 til 65 prosent av súnunum.

"Partar av vinnuni í Svøríki eftirlýsir longri skiftistíð, tí stórar íløgur eru gjørdar í skipanir, og tær eru ikki afturgoldnar enn," sigur Jonas Laxåback, stjóri í svenska samtakinum fyri landbúnaðarframleiðslu.