![](https://www.uf.fo/sites/default/files/styles/myndasavn-width/public/drotning_faer_pronin.jpg?itok=ktfUSFDo)
- Tíðindi, mentan og ítróttur
Drotningin fekk ein gullprón frá landsstýrinum og løgtinginum
![](https://kvf.fo/sites/default/files/styles/grein-ovasta-mynd/public/drotningin_4.jpg?itok=lEXPvSmi)
Seinnapartin vitjaði drotningin í Tinganesi, og í tí sambandi fekk hon handað ein serliga gávu frá løgmanni vegna Føroya fólk, landsstýrið og løgtingið.
Talan er um eina gullnál, sum er eitt avrit av einum ringpróni, ið varð funnin í einari víkingagrøv í Tjørnuvík í 1956.
Ein prónur er long nál til støddar sum stór stoppinál (við høvdi av glasi el. silvuri) at festa turriklæði ella skjúrt við.
Funnar vóru 12 gravir, og í tí einu lá ein sera væl varðveittur prónur.
Talan er um ein sokallaðan ringprón, sum ein kvinna hevur fingið við sær í grøvina um ár 900 í Tjørnuvík.
Tveir smádreingir funnu gravirnar í 1955. Upprunaligi ringbrónur var eisini vístur fram í Tinganesi í dag.
Katrin Andreasen, gullsmiður, hevur gjørt prónin úr ektaðum gulli í støddarlutfallinum 1:1.
Hennara Hátign, sum hevur stóran áhuga í søgu, var sera fegin um gávuna og takkaði fyri.
Eftir ætlan skuldi drotningin fáa gávuna, tá ið hon fylti 80 ár, men vegna kornu, so hevur tað ikki borið til.
Nú høvið var, fekk hon gávuna í dag.
>>Hoyr eisini Sverra Dahl í 1983 greiða Niels Juul Arge frá um víkingagravirnar í Tjørnuvík