Biðja um loyvi at selja Magn

Partaeigararnir í íslendska oljufelagnum Skeljungi verða nú bidnir um loyvi til at selja føroyska dótturfelagið Magn.

Dagurin er ikki ásettur enn, men partaeigarafundur verður í næstum. 

Felagið hevur samráðingar við føroyska smápartafelagið Orkufelagið um Magn.

Samráðingarnar skulu vera lidnar í november.

Tá boðað var frá ætlaðu søluni fyri einari viku síðani, hækkaði partabrævið í Skeljungi átta prosent.

Skeljungur ætlar nú at stovna tvey sjálvstøðug dótturfeløg til rakstur felagsins.