Formansskapurin: Tingformaðurin fór ov langt

-Tað hevur størri týdning fyri meg, at kunna siga mína hugsan í hesum málinum enn at vera tingformaður. Tað sigur Jógvan á Lakjuni, sum ikki skilur atfinningarnar frá restini av formansskapinum.

Bjørt Samuelsen, Eyðgunn Samuelsen og Johan Dahl, sum øll sita í formanskapinum hjá løgtinginum, taka frástøðu frá útsøgn hjá løgtingsformanninum, Jógvan Á Lakjuni.

Mikudagin gav løgtingsformaðurin til kennar á Facebook, hvat hann heldur um lógaruppskot frá andstøðutinglimum, ið snýr seg um rættindi til samkynd foreldur.