SSL tekur siglingina uppaftur, men á landi er nógv at grava

Strandfaraskipini fara nú so spakuliga at taka siglingina uppaftur.

Teistin siglir aftur millum Gomlurætt og Skopun, og eftir døgurða verður siglingin um Nólsoyarfjørð eisini tikin uppaftur. Men Bygdaleiðir koyra ikki enn.

Her kemur Ternan fyrsta túrin til Nólsoyar í dag. Leif Hansen eigur upptøkuna. 

Hoyr Marina Gaardlykke, ferðslusamskipara hjá SSL, í útvarpstíðindunum.

Hjá Landsverki er framvegis nógv at grava, men tað gongur framá. Ivasamt er kortini, um tað fer at eydnast at grava vegin til Gjáar í dag.

Hoyr Mortan Olsen, økisleiðara hjá Landsverki, í útvarpstíðindunum. 

Serliga nógvur kavi er lagstur í Havnini, og tað hevur verið torført hjá gravimaskinunum at sleppa fram. Eitt skifti heittu Tórshavnar kommuna og politiið á bilførarar um at lata bilin standa, tí nógvir bilar stóðu fastir.

Hoyr Fríð P. Dalsgarð, býarverkfrøðing í Havn, í útvarpstíðindunum.

Kavi í Havn, kavamyndir, kavi