Tvey klipp í koyrikortið fyri at yvirhála í Eysturoyartunlinum

Ein bilførari fekk tvey klipp í koyrikortið í gjárkvøldið. Tað gjørdi hann, tí at hann hevði yvirhálað tveir bilar í Eysturoyartunlinum, og tað er ikki lov. 

Løgreglan fekk fráboðanir frá øðrum, ið høvdu koyrt í tunlinum. Løgreglan setti seg síðan í samband við føraran, sum játtaði beinanvegin. 
 

Trý fólk vóru flutt á landssjúkrahúsið í gjárkvøldið eftir eitt ferðsluóhapp í Vágum. 

Tað var beint eftir klokkan 19, at løgreglan fekk eina fráboðan um eitt ferðsluóhapp á landsvegnum við Hotel Vágar. 

Talan var um tveir bilar, ið rendu frontalt saman.  

Tað var sera hált í gjárkvøldið og var hetta orsøkin til óhappið. Annar førarin misti tamarhaldið á sínum bili, sum síðan endaði við at renna beint á ein mótkoyrandi bil.

Báðir bilarnir fóru heilt illa. Neyðugt var at stongja vegin eina løtu.  

Av løgreglustøðini siga tey annars, at fitt av fólki hevur verið í býnum í Havn í nátt. Orsakað av nógvu hálkuni vóru eisini fleiri gliðin og høvdu tørv á sjúkrabilum.