Tá Arnold Vegghamar fylti 80 ár, broytti hann knappliga motiv

Í apríl hevur Arnold Vegghamar framsýning í Gamla Seglhúsinum í Klaksvík.

Hann skal sýna fram eini 50 málningar, og at kalla allir eru lidnir.

Motivið í meginpartinum av málningunum er tey eyðkendu litføgru fýrkantaðu húsini í landslagnum, sum minnir um heimbygdina Viðareiði.

Men tak ikki feil.

Arnold Vegghamar málar eisini onnur motiv. Fyri nøkrum fáum árum síðani keypti hann sær eitt spegl, so hann kundi mála seg sjálvan. Úrslitið eru fleiri sjálvportrettir; men tey vera neyvan at síggja í Seglhúsinum í Klaksvík í vár. Tey eru nevniliga ikki til sølu.

Sí alla sendingina Lyst 47