Føroyar smurdu Montenegro av

Løtan í fyrra hálvleiki, tá Elias legði upp til Vilhelm Poulsen, ið kom flúgvandi og í luftini tók bóltin og pløkkaði hann í málið, staðfesti, at føroysku hondbóltsmennirnir vóru ikki komnir til dystin fyri at spæla. 

Hóast teir spæld sum einglar, so smurdu teir Montenegro av í øllum liðum í hondbóltsspælinum. Úrslitið bleiv 37-24 til Føroyar, og tað sigur í grundini alla søguna. 

Okkara málverji var betri - ja, hann var besti leikarin á vøllinum.

Okkara verja var betri - ja, hon var krútsterk. 

Okkara álop var betri - ja, tað var verðinsklassi. 

EM26, Oslo, Føroyar, Montenegro, Óli Mittún

Mynd: Kolektiff

Hægsta altjóða støði

Yvirhøvur avrikaði Føroyar á hægsta altjóða støði. Í grundini óveruligt at vera vitni til - og tó. 

Tað burdi ikki komið óvart á okkum, tí dreingirnir hava tosað um tað síðani teir vóru piltar. Teir hava ætla sær upp í heimselituna at spæla við, og har eru teir væl ávegis nú. 

Elias Ellefsen á Skipagøtu er stóri herførarin, men afturat sær hevur hann narkar fantastiskar generalar í Óla Mittún, Hákun West av Teigum og Vilhelm Poulsen. 

Men gloymi ikki Teis Horn Rasmussen, ið altíð gongur á odda í verjuni, og Leivur Mortensen, ið er ein maskina á vinstra vongi. Og dagsins maður Pauli Jacobsen í málinum. 

EM26, Oslo, Føroyar, Montenegro

Mynd: Kolektiff

Orð eru fátæk

Og við hasum fjepparaskarðanum í rygginum, so fer tað at bera langt. 

Orð eru fátæk, syngur Benjamin Rajani, og vit mugu bara geva honum rætt. 

Tað var vakurt og vilt, tá Føroyar smurdu Montenegro av. 

Montenegro - Føroyar 24 - 37 (12 - 19)