Kunnu nú fara til Íslands at fiska lodnu

Føroysk skip kunnu nú fara at fiska lodnu í íslendskum sjógvi. Kunngerðin varð lýst í gjár og kemur í gildi í dag.

Øll tey føroysku skipini, sum hava fingið loyvi, kunnu tí byrja at fiska lodnu í íslendskum sjógvi. 

Føroyar eiga 30.000 tons av lodnu í íslendskum sjógvi. Fiskast kann til 30. apríl.

Íslendska kvotan er 660.000 tons, Noreg eigur 145.000 tons, Grønland 67.000 og Føroyar 30.000 tons.
 
Íslendingar fiska nógva lodnu í løtuni. Fyri eini viku síðani vóru 160.000 tons landað síðani fyrst í desember.