Korona: Privatar fyritøkur kannaðu fyri 96 mió. kr

Lutfallið er púra skeivt, tá landsstýrið hevur keypt koronukanningar fyri 96 milliónir krónur frá privatum fyritøkum. 

Tað sigur Høgni Hoydal, løgtingsmaður, sum heldur, at Heilsufrøðiliga Starvsstovan og heilsuverkið átti at fingið munandi størri part av pengunum:

Høgni Hoydal

Tá munnligir fyrispurningar vóru á skránni í løgtinginum í gjár, vildi Høgni Hoydal hava landsstýrismannin í heilsumálum at svara, hvussu nógvir pengar eru farnir til privatar fyritøkur. Tingmaðurin vildi vera við, at onki lutfall og ongin politisk ætlan hevur verið fyri, hvussu peningurin er brúktur. 

Kaj Leo Holm Johannesen svaraði, at tað var ein politiskur vilji at taka privatar fyritøkur við, tá talið av koronukanningum øktist munandi:

Kaj Leo Holm Johannesen